کوڕێکی بەرپرسێکی پێشووی هاوپەیمانی ئۆپۆزسیۆنی سووریا بە بڵاوکراوەیەکی فەیسبووک ،هەرا دەنێتەوە
ئەنەس مرورە، کوڕی هیشام مرورە ، سەرۆکی پێشووی هاوپەیمانی ئۆپۆزسیۆنی سووری، بۆ تۆمارکردنی گرتەیەکی ڤیدیۆیی کورت لەبورجــی خەلیفەی شاری دوبەى کاردانەوەی لێدەکەوێتەوە.
مرورەی کوڕ بۆ زانینی رەگەزی دووەمی منداڵەکەی و، کردنی بەسوپرایز ، بە قەد بورجی خەلیفەوە، ڤیدیۆیەکی وێنەیی نیشانی هاوسەرەکەی دەدات و ، لەکورتە ڤیدیۆکەدا ، ڕەگەزی کوڕەکەی کە ” نێرە ” دەکاتـە سوپرایز بۆ هاوسەرەکەی و هاوڕێکانی و بەئاهەنگ گێڕانەوە خۆشحاڵی خۆی لەگەڵ هاوسەرەکەی لە تۆڕی کۆمەڵایەتی فەیسبووك بڵاودەکاتەوە.
تۆمارکردنی کورتە ڤیدیۆکی بەم شێوەیە، یەکەمجارە کەبکرێت و بەتایبەتی بە قەد بورجی خەلیفەوە و ڕازاندنەوەی، تێچووی نمایشـە ڤیدیــۆییەکە، بڕی ١٠٠ هەزار دۆلاری تێدەچێت .
[1]بڵاوکردنەوەی ئەو کورتە ڤیدیۆییە و تێچووی پارەکە بۆ سوپرایزێک، کاردانەوەی بەکارهێنەران و چاڵاکوانی فەیسبووکی لێدەکەوێتەوەو، ئاماژە بەوە دەکــەن “ئەو پارە زۆرە بۆ مەبەستێکی تایبەتی لەو جۆرە ، پارەی خوێنی شەهیدانی منداڵان و پیر و پەکەوتەکانی سووریایە”.
چالاکوانان و بەکارهێنەران جەختیان لەوە کردۆتەوە “بەو پارەیە دەتوانرێت پرۆژەیەکی بچوکی پێنج هەزار دۆلاری بۆ ١٩ خێزانـی بەش مەینەتی سووری خەرج بکرێت” .
هەروەها چاڵاکوانان باسیان لەوە کرد “ئایا پارە بۆ مەبەستێکی تایبەتی کەسێک و بۆ سوپرایزێك خەرج بکرێت ، گرنگترە لە خوێن و ژیان و گوزەرانی خەڵکی بەش مەینەت و دەربەدەری سوریا ؟”.