عهلی عهلاوی وهزیری دارایی عێراق له میانهی چاوپێكهوتنێكی تەلەفزیۆنی دا لە كهناڵی فهرمی عێراقیەدا ئاشکرای کرد، ئەگەر پڕۆژه یاسای قهرز له پهرلهمانی عێراق پهسهند بكرێت دهتوانرێت له كۆتایی ئەم ههفتهیەدا ، داهاتوودا مووچه دابهشبكرێت و بەبێ قەرزکردن حکومەتی عێراق ئەو بڕە پارەیەی لە فرۆشتنی نەوتدا دەستی کەوتووە ، بەشی دابەش کردنی مووچە ناکات .
دوێنێ سێ شەممە ، ئەحمەد مەلا تەڵاڵی ، وتەبێژی حکومەتى عێراق ئاشکرای کرد ، مستەفا کازمی ، سەرۆکوەزیرانی عێراق ، پەیوەندی بە سەرۆک فراکسیۆنی لایەنە سیاسییەکانی پەرلەمانی عێراق کردووە ، بۆ ئەوەى هەرچی زووە یاسای قەرز لە پەرلەمان پەسند بکەن .
بەم پێیەش حکومەتی هەرێمی کوردستان ، مانگانە لەگەڵ ناردنی ٣٢٠ ملیاری بەشە مووچەی فەرمانبەرانی هەرێم ، دەست بە دابەش کردنی مووچەی فەرمانبەرانی خۆی دەکات، بۆیە دەبێت حکومەتی هەرێمیش لە ماوەی دوو هەفتەی داهاتوودا ، مووچە دابەشبکات.
لە مانگی تشرینی یەکەمی ، حکومەتی هەرێمی لەبری مووچەی مانگی نیسان ، مووچەی مانگی ئەیلولی دابەش کرد و مووچەی مانگەکانی نیسان و ئایار و حوزەیران ئاب و تەمووزی ، پاشەکەوت کرد .