عێراق کۆمەڵێک شوێنەوار دەخاتە نێو لیستى کلتووری

وەزارەتی رۆشنبیریی عێراق هەوڵدەدات ژمارەیەک شوێنەواری عێراق و هەرێمى کوردستانی دەخاتە نێو لیستی کەلەپووری جیهانی.

بەپێی هەواڵی میدیا عێراقییەکان، حەسەن نازم، وەزیری رۆشنبیری حکومەتى فیدراڵى بەغدا رایگەیاند ” وەزارەتەکەی لە هەوڵ دایە بۆ ئەوەی 11 شوێنەواری عێراق و کوردستان، بخرێنە ناو لیستی کەلەپووری جیهانی”.

لیستی کەلەپووری جیهانی لەلایەن رێکخراوی نەتەوە یەکگرتووەکان بۆ پەروەردە، زانست و رۆشنبیری (یونسکۆ) پۆلین دەکرێت و ناوی ئەو شوێنەوارە مێژووییانە لەخۆ دەگرێ، کە تەمەنیان لە 100 ساڵ تێپەڕیوە.

ناوی ئەو 11 شوێنەوارەی وەزارەتی رۆشنبیریی عێراق کاریان لەسەر دەکات بۆ ئەوەی ببنە کەلەپووری جیهانی.

شوێنەوارە کوردستانییەکان:

– دەروازەی ئامێدی لە پارێزگای دهۆک

– قەڵای کەرکووک لە پارێزگای کەرکووک

شوێنەوارە عێراقیەکان:

– دەریای نەجەف

– گۆڕاستانی وادی نەجەف کە بە گۆڕستانی (دارولسەلام) ناسراوە

– کەناری کۆنی دیجلە لە بەغدا

– شەقامی رەشید لە بەغدا

– شاری نەفەری مێژوویی لە پارێزگای قادسییە

– شاری واستی ئیسلامی

– نەمروود لە نەینەوا

– منارەی عینە لە پارێزگای ئەنبار

– رێگای کۆنی حەج لە نێوان کوفە و رووگەی مسوڵمانان (لە مەککەی سعودیە).