نهێنی پشت ڕوداو و گۆرانکارییەکان لە(داعش وە تا بەرەی نوسرەو و تحریشام )

 ڪاروان نازم:
– گروپە چەکدارەکان لە کوێ چۆن دروست بوون:

بێ وردەڪاری زۆر و ناوەڕۆک-١٢-ساڵ لەمەو بەر ڪاتێك لەسەر سنوری بەشێك لە ووڵاتانی ناوچەڪە ئاڵا ڕەشەڪان پەیدا بوون وەك دەوڵەتی ئیسلامی ( د ا ع ش )خۆیان ناساند جموجۆلی تیرۆرستیان دەست پێ ڪرد دەیان شار و سەدان شارۆچڪەو هەزاران گوندیان ڪۆنتڕۆڵ ڪرد لە هەردوو بەری عێراق و سوریا و ڕووی چەك و شەریان کردە گەلی کوردیش ، هەرچەندە لە مانگی ١٢ساڵی ٢٠١٧ حکومەتی عێراق سەرکەوتنی بەسەر تیرۆرستانی داعش ڕاگەیاند بەڵام لێرەو لەوێ جموجۆڵیان هەرماوە

– لە سوریا ئەسەد چۆن کەوت لە لایەن ئۆپۆزسیۆنەوە:

ئەو تەحریرشامەی ( ئەسەدی) ڕوخاند ڪە جۆڵانێ سەرڪردایەتی دەڪات پێشتر قائیدە بوون دواتریش ناوەڪەیان گۆرا بۆ بەرەی نوسرە و بەردەوام بوون لە ڪردەوە تیرۆرستییەڪان، تەواوی جیهان هاوڕا بوون کە د ا ع ش و هەم بەرەی نوسرە لە لستی ڕەشی تیرۆرن

-ڕوونتر گرپەکان لە لایەن ووڵاتانی نێودەوڵەتیەوە:

دوای ئەو ١٢ساڵە ئەوەی بەنهێنی وڵاتانی زلهێز و دەورو بەری سوریا و عێراق پشتیوانی ناڕاستەوخۆیان دەڪرد ئێستا بەئاشکرا ڕێگەیان بۆ خۆش دەڪرێت پایتەختی شام ڪۆنتڕۆڵ بڪەن و لەسەر ئاستی باڵا سەردانی محمد جۆڵانێ و تاقم و دەستەکەی دەکەن و ئامادەیی دانوستانیشن تەنانەت ئالاکەشیان بەڕەسمی لە زۆربەی سەفارەتی وڵاتانی جیهان هەڵبکەن

– مەترسیەکان لەسەر عێراق:

دوای سوریا، ئەمەریکا پێنجەم و دواین نامەی خۆی ئاراستەی سودانی سەرۆك وەزیرانی عێراق کرد ڪە بەهەر جۆرێک بێت دەبێ حەشدی شەعبی هەڵبوەشێتەوە و کۆتاییان پێ بهێندرێت ، بەهۆڪاری ئەوەی ئاگری شەر دەگوازرێتەوە بۆ عێراقیش و ئەوڪاتە ڪار لەڪار دەترازێت

پەیامەکەی ئەمەریکا ڕونە هاوشێوەی سوریا عێراقیش توشی فیتنەی تائیفی و شەری تیرۆر دەبێتەوە و بە ئاشڪرا پشتیوانی لە هەر هێزێک دەڪەن کە لە داهاتوودا ڕوو لە عێراق بڪات و لە پایتەختەوە پەیامی سەرکەوتن ڕابگەێندرێت

-دوای هەڵبژاردنەوەی( ترەمپ )ئەمەریکا چ یارییەک دەکات بە هاوبەشی اسرائیل و تورکیا:

گومان لەوەدانیە ووڵاتانی زلهێز لە پشت شەری بە وەکالەتی گروپ و تاقم و چەك بەدەستەڪانن لە جیهان ، لە سەرجەم ڕووەڪانەوە (سیاسی سەربازی و بازرگانی) مامەڵەیان لەگەڵ دەڪەن

هەرچەندە وا نیشان دەدرێت ڪە لەنێوان تورکیا و ئیسرائیل ناڪۆڪی دژ بە یەك هەیە بەڵام بەنمونە هەردوو ووڵات بە چاوساغی ئەمەریکا و ڕوسیا بەشاریان خست و دەیانەوێت یارییەڪە بگوازنەوە بۆ گۆرەبانی عێراقی

– ئایا لە داهاتودا عێراقیش هەمان سیناریۆی سوریای دەبێت:

لە بەهاری عەرەبیەوە گۆرانڪارییەڪی گەورە لە نەخشەی بەشێکی وڵاتانی ناوچەڪە دروست بووە و ئێستا بەهارەڪە زۆرێك لە ووڵاتانی ماوە بیگرێتەوەو سوربێت بەخوێن، ئەوەی چاوەروان دەڪرێت بەچاودێری ووڵاتان ئایا دەستی ئێران لە عێراقیش دەبردرێت
سونە مەزهەب و تاقمە تیرۆرییەڪان دەبنەوە بالا دەست ، نمونەیەڪی زیندووش خۆ بینیمان لەئەفغانستان گلۆپی سەوزی ئەمریڪیەڪان تاڵیبانی هێنایەوە سەر حکووم ئێستا دەولەت داری دەکەن لە ڪاتێڪدا ئەوان لە لیستی ڕەشی تیرۆر بوون

بە گەرانەوە بۆ ڕابردوو مەترسی داعش لە عێراق هەر هەبوە و دەبێت ئایندەی ئەو ووڵاتەش لە سەر نەخشە تازەکەی ئەمەریڪا و ئیسرائیل و بەشێڪی وڵاتانی دیڪەیە ، دژ بە وڵاتێک یان تاقم و دەستەیەکی شیعی مەزهەب

ئەوەی ماوەتەوە بە ڪوردتی بوترێت( نهێنی دوێنێ لە سەرهەڵدانی تاقمە تیرۆرستیەکان و پشتیوانیان لە ڕابردوو )

یان بە ئاشکرا ئەمڕۆ( بە تەواوی هاوکارییان دەکرێت بۆ داگیرکردنی پایتەختی ولاتان )

ئەوەشمان بیر نەچێت نە گەلەڪەی خۆی ڕژێمی سەدامی ڕوخاندی نە خەڵڪی سوریا بەشار ئەسەدیان لە سەرۆڪایەتی ووڵات لابرد …