بەبێ گومرگ و پشکنینی ماسی دەهێنن
عه‌لی حه‌مه‌ساڵح، سه‌رۆكی فراكسیۆنی گۆڕان له په‌رله‌مانی كوردستان له هه‌ژماری تایبه‌تی خۆی له‌تۆڕی كۆمه‌ڵایه‌تی فه‌یسبوك له‌ژێر ناونیشانی “نه‌مانی ئه‌خلاق” نوسیویه‌تی، “دوێنێ ھەمو ئەوانەیان بانگکردوە کە ئیشی ماسی دەکەن، وتویانە بچن چ ماسیەک دێنن و چەند دێنن بەبێ گومرگ و پشکنین چی دەھێنن بیھێنن نیوەی قیمەتمان بدەنێ”
سه‌رۆكی فراكسیۆنی گۆڕان ئاماژه‌ی به راسپاردنی ئه‌و كه‌سانه كردوه كه كاری ماسی ده‌كه‌ن و رایگه‌یاندوه، ته‌نانه‌ت پێیان وتون، “ھێزە ئەمنیەکانی خۆمان پاسەوانیتان دەکات تاوەکو دەگاتە جێی مەبەست”.
هاورده‌كردنی ماسی به‌بێ گومرگ و پشكنین له‌كاتێكدایه، وه‌زاره‌تی كشتوكاڵ و سه‌رچاوه‌كانی ئاوی حكومه‌تی هه‌رێم ژماره‌یه‌ك بڕیاری بۆ قه‌ده‌غه‌كردنی هاورده‌كردن به‌مه‌به‌ستی بره‌ودان به‌به‌رهه‌می ناوخۆ ده‌ركردوه.